(Bacım Zümrüdün ölümünə)
Tez-tez fikir edən, xəyala dalan,
Xəyalı dağlarda dolanan bacım.
Dünən qollarını boynuma salan,
Bu gün şəkillərdən boylanan bacım.
Yaranan köçəcək, belədir qayda,
Ağla, sıtqa-sızla, eləməz fayda.
Surəti gözümdə, qəlbim harayda,
Yoxluğu qəmimə calanan bacım.
Şöhlət, bu dünyanın işi dolaşıq,
Belə bir itkiylə necə barışaq?
Şirin xatirəsi qəlbimə işıq,
Ömür yollarımda nurlanan bacım!..
Bakı, 14 iyul 2022-ci il.