Mən də sizlərdənəm, a şirvanlılar...
M. Ə. Sabir
Mən də sizlərdənəm, ay əzizlərim,
Kəndin dəli-dolu, ərköyün oğlu.
Ölümün üstünə gözüyumulu,
Fələyin önünə düz gedən kişi.
Kiminsə xətrinə dəymişəm bəlkə,
Kimsə özündən yox, məndən inciyib.
Mən də sizlərdənəm, qəm-qüssə yeyib,
Sizin dərdinizi dərd edən kişi.
Coşqun ilhamım var, kövrək bir qəlbim, -
Nadan tənəsindən qabar-qabardır.
Ürəyim daş deyil, ətdir, damardır,
Qəlbini ney kimi inlədən kişi.
Sizlərdən biriyəm, sizlərə vurğun,
İnsan el içində, su dənizdədir.
Öləndə tabutum çiyninizdədir,
Sıradan biriyəm, cümlədən kişi.
Mən də sizlərdənəm – canı, qanı bir,
Gəlin biri-birdən qiybət qırmayaq,
Gəlin könül tikək, ürək qırmayaq,
Tərgidək hər cürə pis-pis vərdişi,
Ucalsın zirvəyə hər oğul, hər qız,
Qürurla boylansın zirvədən kişi.
- 30 yanvar 2022
- 393
- 0