2021-ci il yanvarın 11-də Azərbaycan Respublikasının Prezidenti İlham Əliyev, Ermənistan Respublikasının Baş naziri Nikol Paşinyan və Rusiya Federasiyasının Prezidenti Vladimir Putin Bəyanat imzalayıblar.
***
Azərbaycan Respublikası Mədəniyyət nazirliyinin mətbuat xidmətindən verilən məlumata görə, İslam Dünyası Elm, Təhsil və Mədəniyyət Təşkilatı – ICESCO-nun Baş direktoru Salim bin Məhəmməd əl-Malik Azərbaycana səfər gəlib. Yanvarın 11-də Azərbaycan Respublikasının mədəniyyət naziri Anar Kərimov ICESCO-nun Baş direktoru Salim bin Məhəmməd əl-Malik ilə görüşdü. Görüşdə Azərbaycan-ICESCO əlaqələri, əməkdaşlığın hazırkı vəziyyəti və gələcək perspektivləri müzakirə edildi.
***
Azərbaycan Respublikası Xarici İşlər Nazirliyinin mətbuat xidməti xəbər verir ki, Bu ilin 13-14 yanvar tarixlərində Azərbaycan Respublikasının xarici işlər naziri Ceyhun Bayramovun rəhbərlik edəcəyi nümayəndə heyəti Pakistan İslam Respublikasına rəsmi səfərlə yola düşəcək. Səfər çərçivəsində 13 yanvar tarixində Azərbaycan Respublikası, Türkiyə Respublikası və Pakistan İslam Respublikasının xarici işlər nazirlərinin 2-ci üçtərəfli görüşünün keçirilməsi nəzərdə tutulur. 14 yanvar tarixində isə AR xarici işlər nazirinin Pakistanın yüksək səviyyəli rəsmiləri ilə ikitərəfli görüşlərinin keçirilməsi planlaşdırılır.
***
Azərbaycan Respublikası Nazirlər Kabineti yanında Operativ Qərargahın məlumatına görə, yanvarın 11-də ölkəmizdə 4086,test aparılmış, 176 nəfər koronavirusa yoluxmuş, 841 nəfər sağalmış, 17 nəfər isə vəfat etmişdir.
- 11 yanvar 2021
- 312
- 0