Azərbaycan Respublikasının Prezidenti İlham Əliyevin 10 yanvar 2021-ci il tarixli sərəncamı ilə Vidadi Aydın oğlu Muradov “Azərxalça” Açıq Səhmdar Cəmiyyəti İdarə Heyətinin sədri vəzifəsindən azad edilmişdir
***
Azərbaycan Respublikası Nazirlər Kaçineti yanında Operativ Qərargahın məlumatına görə, 10 yanvar 2021-ci ildə ölkəmizdə COVİD-19 ilə bağlı 8368 test aparılmış, 601 nəfər yeni yoluxan aşkar olunmuş, 1593 nəfər sağalmış, 19 nəfər isə vəfat etmişdir.
***
Azərbaycan Respublikası Müdafiə Nazirliyi Kəlbəcər rayonunun Daşbulaq kəndindən videogörüntülər yayıb.
***
Azərbaycan Respublikası Daxili İşlər Nazirliyinin mətbuat xidməti xəbər verir ki, postlardan keçməyə cəhd göstərən 2258 nəqliyyat vasitəsi müəyyən olunaraq geri qaytarılıb.
Koronavirus (COVID-19) infeksiyasının yayılmasının qarşısının alınması məqsədilə Daxili İşlər Nazirliyinin hərbi qulluqçuları və polis əməkdaşları tərəfindən nəzarət-profilaktiki yoxlamalar davam etdirilir.
2021-ci il yanvarın 8-də nəzarət-profilaktik tədbirlər nəticəsində postlardan müvafiq qaydada icazə almadan keçməyə cəhd göstərən 2258 nəqliyyat vasitəsi müəyyən olunaraq geri qaytarılıb. Ölkə üzrə karantin rejimi qaydalarını pozan 3147 nəfər barəsində inzibati tənbeh tədbiri tətbiq olunub.
Eyni zamanda ev şəraitində müalicə təyin edilən 12 nəfər aktiv COVID-19 xəstəsi ictimai yerlərdə müəyyən olunub saxlanılaraq evə qaytarılmaqla barələrində Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə cinayət işi başlanılıb. Hazırda istintaq araşdırmaları davam etdirilir.
- 10 yanvar 2021
- 295
- 0