Na vaxtdır gözlədiyin zaman gəlib, an gəlib,
Hər açılan sabaha bir qızılı dan gəlib.
Görüşünə bax bütöv Azəribaycan gəlib.
Camalına nə gözəl yaraşır bu ad, Şuşanı!
Möhtəşəm, azad Şuşam!
Ötən illər ərzində həsrətdə olsaq da biz,
Bu xiffətdən saralıb, nə qədər solsaq da biz.
Göz yaşları içində hər an boğulsaq da biz.
Bir an da olmamışıq bu hüsnünə yad, Şuşam!
Möhtəşəm, azad Şuşam!
Ötsə də qərinələr bu yaşda, bu sində sən,
Bu millət, bu xalq üçün iman da sən, din də sən.
Bizdən uzaq düşdüyün bu illər ərzində sən.
Oldun qəsbkarlara atəş, alov, od. Şuşam!
Möhtəşəm, azad Şuşam!
Bu tarixi əbədi yaddaşa həkk eylə, bil.
Noyabrın 8-I, 2020 -ci il.
Ali Baş Komandanın sayəsində bu nisgil
Silindi ürəklərdən, olduq xürrəm, şad, Şuşam!
Möhtəşəm, azad Şuşam!
Bu sevgi könüllərdə həmişə bəslənəcək.
Sülh, zəfər nəğmələri dillərdə səslənəcək.
Dörd yanın başdan- başa yenə çiçəklənəcək,
Olacaqsan daha da, ecazkar, abad, Şuşam!
Möhtəşəm azad Şuşam!
Sumqayıt şəhəri, 08.11.2020.
- 19 dekabr 2020
- 496
- 0