Yaxşılığı tanıdığın itə et,
Heç olmazsa, bir yol quyruq bulayar.
Namərd adam sanar ona borcun var,
Fürsət tapsa, gicitkən tək dalayar.
Dost-tanışı bir sınaqdan keçir sən,
Yaxşıları taleyinə köçür sən.
Mərd görsə ki bu dünyadan köçürsən,
Səndən sonra ocağını qalayar.
Bu yarışda həm uduzan, həm udan,
Şöhlət, gələn gedəcəkdir dünyadan.
Sonunun puç olduğunu unudan
Zərrə üçün bu cahanı talayar.
Bakı, 9 avqust 2022-ci il.