Dağı arana qatıram, aranı dağa bu gecə,
Qəlbim dolu qəm-qüssədir başdan-ayağa bu gecə.
Gəlimli-gedimli dünya, son ucu ölümlü dünya,
Bacım bizi tərk elədi, getdi torpağa bu gecə.
Bu dünyanın tərs işi var, hər gəlişin gedişi var,
Həmdəm olmur, yaxasını çəkir qırağa bu gecə.
Zəng eləməz, halım sormaz, qeydimə qalanım olmaz,
Bir şirin söz gəlməz, ey dil, dilə-dodağa bu gecə.
Bacım getdi, zarafatı, xoş sözləri qaldı yadda,
Şöhlət, məni xatirələr çəkir uzağa bu gecə.
Bakı, 19 iyul 2022-ci il.