Dərs ilinin son zəngi
Nələr gətirir yada.
Uşaqlar deyib-gülür,
Qəlbində ağlasa da.
Laçının Mişni kəndi.
Doğma məktəb illəri.
Asta-asta dilləndi
Ürəyimin telləri.
Dərs ili başa çatır,
Uşaqlığın son günü.
Həyata addım atır,
Yığışdırıb köçünü
Onuncu-sonuncular.
Yaman kövrəlib onlar.
Var gülən, ağlayan da,
Özünü saxlayan da.
Kim bilir bu dünyada
Haralara düşəcək?
Kim kimlə ayrılacaq,
Kim kimlə görüşəcək?
Bakı, 17 may 2022-ci il.