Oğurlayıb oğlanların saqqızın,Dəcəl qızlar başlardılar qaçmağa.
Evlərinə ötürərdim o qızı,
Utanardım ürəyimi açmağa.
Belə-belə keçib getdi ömür-gün,
Bir də baxdım qara saçlar ağ olub.
Ağ ümidi qaralanan kömür gün,
Hər xatirə sinəmdə bir dağ olub.
Əvəz etdi payız yayı, yaz qışı,
İnsanlığın təbiəti dəyişdi.
Qulağımda gurladıqca alqışı,
Cəmiyyətə məhəbbətim dəyişdi.
Dostlarımın sıraları dəyişdi,
Tərif deyib, için-için güldülər.
Eşidəndə ayaqlarım sürüşüb,
Durğuzmağa köhnələri gəldilər.
Gecələrdən, küçələrdən yığıldım
Bir xatirə tonqalında yanmağa.
Ümid-ümid, güman-güman dağıldım
Keçənləri yana-yana anmağa.
Belə-belə keçib getdi cavanlıq,
Bu illərdə nələr gəldi başıma.
Deyirəm ki, zaman dönə bir anlıq,
Biqəfildən o qız çıxa qarşıma.
Bir küçədə yalqız çıxa qarşıma...
Eh, nə oldu, yenə fikrim dağılmış.
Şöhlət, tale işlərinə qarışma,
Demə, ömrün bir qəribə nağılmış.
Bakı, 5 fevral 2021-ci il.