Gülnar Zeynal qızı İsmayılova 1994-cü ildə Bakı şəhərində anadan olub. 7 saylı Laçın orta məktəbini bitirib. Sumqayıt Dövlət Universitetinin Filologiya fakültəsinin məzunudur. 2017-ci ildə müəllimlərin işə qəbulu xətti ilə könüllü olaraq Daşkəsən rayonunun Dəstəfur kənd orta məktəbində Azərbaycan dili və ədəbiyyatı müəllimi kimi fəaliyyətə başlayıb. 2018-ci ildə yerdəyişmə edərək, Ağcabədi rayonu ərazisində yerləşən Laçın rayon Habil Həsənov adına Mişni kənd tam orta məktəbinə gedib. Hal-hazırda fəaliyyətini davam etdirir.
Gülnar müəllimə həmişə fəaldır: orta məktəbdə oxuyanda da, ali təhsil illərində də, elə indi də.
Məktəb illərində şahmat üzrə 1-ci dərəcəli diploma layiq görülüb.
2018-ci ildə keçmiş təhsil naziri Ceyhun Bayramov tərəfindən ölkə müəllimlərinin mükafatlandırılması tədbirində Təşəkkürnamə ilə təltif olunub.
2019-cu ildə "Steam Azərbaycan" layihəsi çərçivəsində İsrailin Beynəlxalq dərəcəli sertifikatına layiq görülüb. Yenə həmin ildə Türkiyənin Bakıda keçirilən "Eğitimde Kalite Və Uluslararası Konferans"ında sertifikata layiq görülüb.
2020 ci ildə Dövlət İmtahan Mərkəzi tərəfindən "Marker müəllim" sertifikatina layiq görülüb.
"Unicef"in bir sıra layihələrində, Gənc Müəllimlər Assosiasiyasında və başqa bir çox layihələrdəfəal iştirakını davam etdirir.
Həmişə öz üzərində çalışan, bilik dairəsini genişləndirən gənc müəllimə belə deyir:
-Təhsil işçisi olaraq hər zaman aktiv olmağa çalışıram. Vətənimə xidmət etmək, şəxsiyyət yetişdirmək missiyamdan heç zaman dönməməyi məqsəd seçmişəm. Dövlətimə, ölkəmə fayda verməkdən yana böyük qürur hissi duyuram. İnşaallah, doğma Zəngəzurumuzda, dədə-baba torpağımız Laçında da bu şərəfli peşəmi davam etdirməyi özümə borc bilirəm...
Gülnar xanıma yeni-yeni uğurlar arzulayırıq: həmişə səsi zirvələrdən gəlsin!
- 21 noyabr 2020
- 2 057
- 0