Bir kənd vardı
Ərtəpənin ətəyində,
İnsanları qonaqpərvər,
Duz-çörəyi halal bir kənd.
Düzgünlüyün, həqiqətin,
Sədaqətin nümunəsi,
Qapıları qıfıl görməz
Xəyal bir kənd.
Bir kənd vardı -
İnsanları söz sərrafı,
Ürəkləri eşq məbədi.
Bir kənd vardı -
Həsrətindən
Sinəm dağlı Mişni kəndi.
Bir kənd vardı -
Əlim yetməz,
Xatirəmə dönən kəndim.
Vətənində didərginim,
Çıraqları sönən kəndim...
Şöhlət ABBAS
- 3 sentyabr 2018
- 829
- 0