- 20 aprel 2021
- 455
- 0
Şöhlət ABBAS Nə düşünürsən?
Hər dəfə bu sual, asandan asan,
Hər kəs bilir nəyi necə düşünür.
Duyğu var - qışqıran, duyğu var - susan,
Şairlər adətən gecə düşünür.
Bəlkə də bir körpə mışıltıısıyla,
Bəlkə də hay-küylə, xor-xor yatırsan.
Mən isə bir yarpaq xışıltısıyla
Söhbət eyləyirəm, çətin duyarsan.
Səni düşünürəm səndən xəbərsiz,
İndi xəzəl olmuş ilk məhəbbəti.
Hər şeydən, zamandan, gündən xəbərsiz,
Bacar ürəyindən sök məhəbbəti.
Hardasa, anasan, nənəsən bəlkə,
Körpə təbəssümü durur qarşında.
Mən isə gözünə görünməz kölgən,
Mənimçün qalmısan 15 yaşında.
İllər ötüb keçir, amansız keçir,
Vaxtın sürətinə çatarsan bəlkə?
Şöhlətin günləri gümansız keçir,
Uzatsam, əlimi tutarsan bəlkə...
Bakı, 17 aprel 2017, saat 09.56.