"Şəhidim mənim" mahnısı ilk dəfə mavi ekranda

Qısa müddətdə sosial şəbəkələrdə geniş dinləyici auditoriyası və sevgisi qazanmış "Şəhidim mənim" mahnısı fevralın 20-si şənbə günü Azad Azərbaycan Televiziyasının (ATV) "Birlikdə güclüyük" verilişində Azərbaycan Respublikasının xalq artisti Gülyaz Məmmədovanın ifasında səslənəcək.
Şəhidlərimizin müqəddəs xatirəsinə həsr olunmuş mahnının sözləri tanınmış şair-jurnalist Şöhlət Abbasa, musiqisi gənc bəstəkar Elmir Mədətoğluna məxsusdur. Oranjemançı Musa Bağırsoy, miks master İmran İbrahimovdur.
"Birlikdə güclüyük" verilişi səhər saat 10-dan 12-yə qədər davam edir. Gülyaz xanım ikinci saatda, yəni saat 11-dən sonra verilişin qonağı olacaq.