Bu günlərdə bir köhnə dostumla - laçınlı İbadət Verdiyevlə rastlaşdıq. O, mənə atasının kitabını hədiyyə etdi. 2020-ci ildə "Günəş" nəşriyyatında tanınmış el şairi, əslən Laçın rayonunun Qarakeçdi kəndindən olan ağsaqqal ziyalı Əliş Baxşalıoğlunun "Laçınsız ölməyə icazəm yoxdur" kitabı nəşr olunub. Redaktoru və nəşrə hazırlayanı "Dünya" qəzetinin baş redaktoru Füzuli Ramazanoğlu olan 312 səhifəlik nəfis tərtibatlı kitabda əsasən şairin aşıq üslubunda olan şeirləri toplanıb. Kitaba Füzuli Ramazanoğlu, ədəbiyyatçünas alim, şair Ənvər Əhməd ön söz yazıblar. Həmçinin şair Kamandar Eyvazlının, şair və ədəbiyyatşünas, 55 il əvvəl Əliş müəllimin şagirdi olmuş Eynulla Axundovun da ürək sözləri kitabda özünə yer tapıb.Müəllif nəsil şəcərələrini də kitabda verib.
Ağsaqqal şairimizə möhkəm cansağlığı, yeni yaradıcılıq uğurları arzu edirik!
Şöhlət ABBAS.