Sürüləri dolaylana, bükülə,
Ərtəpədən yaylaqlara çəkilə,
Gül-çiçəyi gülümsəyə, göz gülə,
Aşiq olam bir gözəlin saçına,
Könül yenə qanadlanır Laçına.
Qartalları göylərində qıy vura,
İgidləri coşa gələ, hayqıra,
Hər obada ellər şənlik, toy qura,
Sevən qəlblər uçum-uçum uçuna,
Könül yenə qanadlanır Laçına.
Gül qoxulu, qonaqpərvər kənd ola,
Adamların dili şəkər, qənd ola,
Hürkək, quzu ceyranına bənd ola,
Baxmayasız siz Şöhlətin suçuna,
Könül yenə qanadlanır Laçına.
Bakı, 23 0ktyabr 2020-ci il.